Мадриднинг «Реал» клуби «Манчестер Сити» ярим ҳимоячиси Родрини сотиб олишни режалаштиряптими ёки йўқлиги маълум бўлди.
Октябрь ойи охирида «Олтин тўп»ни қўлга киритган испаниялик футболчига «Қироллик клуби» қизиқиш билдирганди. Бироқ, журналист Хосе Феликс Диаснинг фикрича, «Реал» «шаҳарликлар» ярим ҳимоячисига даъвогарлик қилмаяпти. Европа чемпионининг Мадриддан эҳтимолий қўнғироқ ҳақидаги сўнгги изоҳлари вазиятга таъсир қилмади.
Эслатиб ўтамиз, сентябрь ойида Родри хоч боғлами йиртилгани сабабли сафдан чиққанди. У фақат мавсум охирида майдонга қайтиши мумкин.
