Франциянинг “ПСЖ” клуби бош мураббийи Луис Энрике россиялик дарвозабон Матвей Сафоновни Лига 1 доирасида “Тулуза”га қарши ўйинда асосий таркибда майдонга тушириш қарорини тушунтирди.
"Мен бу жойни Сафоновга тактик сабабларга кўра ишониб топширдимми? Бу тўғри. У клубдаги дарвозабонлар иерархиясига таъсир қила оладими? Балки, ҳа, балки йўқ", - деди испаниялик мутахассис.
Парижликлар “Тулуза” устидан йирик 3:0 ҳисобида ғалаба қозонган эди. 12 турдан кейин Энрике шогирдлари Франция чемпионати турнир жадвалида пешқадамлик қилмоқда.
