Симоне Индзаги "Интер"нинг "Верона" устидан қозонган ғалабаси (5:0) ҳақида гапирди.

"Мен Корреани жуда яхши биламан ва у 13 июлдан бери қаттиқ ишламоқда. Бизда катта жамоа борлигини биламиз ва таркибдаги ўринлар учун рақобат жуда кўп, аммо Корреа халқаро танаффусгача захирадан майдонга тушиб ўзини яхши кўрсатган эди ва мен уни асосий таркибда майдонга туширишни ўйладим. Бу сафар менда ҳеч қандай шубҳа йўқ эди, фақат унинг ёнида ким ўйнашини танлашим керак эди.

Лаутаро сўнгги дақиқаларда бизга ёрдам бера олиши учун грипп аломатлари туфайли барибир захирада қоларди. Шунинг учун мен Тюрам ва Марко Арнаутовични танладим. Мен Корреа ва барча йигитлардан мамнунман, тайёрланиш учун атиги 48 соат вақтимиз борлигини ҳисобга олсак, бу жуда профессионал чиқиш бўлди.

Бу келажак учун вариант бўлиши мумкин (тўртта ҳимоячига ўтиш). Мен халқаро ўйинлардан сўнг баъзи футболчиларга дам беришим керак эди, Карлос Аугусто эса бир ойлик танаффусдан сўнг қайтганди. Биз жуда муҳим ўйинда ғалаба қозондик ва ташвишланишнинг ягона сабаби Ачерби эди, у мушакларда ноқулайлик ҳис қилди, шунинг учун у алмаштиришни сўради.

Биз Де Врейнинг қанчалик яхши ўйнаганини кўрдик, аммо умид қиламизки, Ачерби тез орада қайтади", — деди "Интер" бош мураббийи DAZN нашрига берган интервьюсида.