"Барселона" ҳимоячиси Жюль Кунде ўзи ва жамоаси учун "Сельта"га қарши (2:2) муваффақиятсиз ўйиндан сўнг интервью берди.

84-дақиқада француз ўз жарима майдончаси ичида тўпни олдириб қўйди ва том маънода рақибларга гол тақдим этди. Мезбонлар шу тарзда фарқни қисқартирди. Яна икки дақиқадан сўнг “Сельта” ҳисобни тенглаштирди.

"Мен унчалик яхши ўйнамадим. Концентрация етишмади ва бу бизга қимматга тушди. Менинг хатоим ҳалокатли эди. Бу натижа учун жавобгарман. Биз бошиданоқ қўлимиздан келганича ўйнамадик, лекин ҳаммаси шу эпизоддан бошланди. Жамоани қийин аҳволга солиб қўйдим", - деди Кунде ўйиндан кейинги интервюсида.