"Барселона" бош мураббийи Ханс-Дитер Флик "Сельта" билан ўйиннинг муваффақиятсиз якунланишига (2:2) асосий сабаб нима эканлигини тушунтирди.
Учрашувнинг 82-дақиқасида “кўк-анорранглилар” 2:0 ҳисобида олдинда бораётган пайтда Марк Касадо қизил карточка олди. Орадан икки дақиқа ўтиб, Жюл Кунде қўпол хатога йўл қўйди ва “Сельта” гол урди ва 86-дақиқада мезбонлар таблода тенгликни ўрнатишди.
"Нима ҳал қилувчи рол ўйнади: Касадонинг четлатилиши ёки Кунденинг хатоси?" – деб сўради журналистлар Фликдан.
"На бири, на бошқаси. Натижа бутун ўйин натижасидир. Жуда кўп хатолар, жуда кўп ёмон паслар, ўзгаришлар ва нотўғри қарорлар. Бу бутун жамоага тегишли. Биз бирга ғалаба қозонамиз ва мағлуб бўламиз", - деди мураббий.
