"Арсенал" бош мураббийи Микель Артета жамоа вингери Букайо Саканинг Англия терма жамоасига боришдан бош тортмаганини исботлашга ҳаракат қилди.

Ўтган халқаро танаффусда жароҳатлари туфайли Англия терма жамоасига кела олмаган кўплаб футболчилар сингари Сака ҳам кутилмаганда соғайиб, шанба куни ўз клубининг асосий таркибига қайтди.

Айнан Сака ўз голи билан "Ноттингем Форест"ни 3:0 ҳисобида мағлуб этишга асос солди, аммо Артета Букайо ҳақиқатан ҳам жароҳат олганини таъкидлайди.

"Хўш, ҳаммаси жуда оддий, биз МРТ расмини юборишимиз мумкин. "Арсенал"нинг тиббиёт ходимлари билан Англия терма жамоаси ўртасида жуда аниқ алоқа канали бор эди.

У ҳеч қандай ножўя иш қилмаган, унга жароҳатни даволаш учун вақт керак эди. У фақат битта машғулот ўтказди," - деди Артета.