"Arsenal" bosh murabbiyi Mikel Arteta jamoa vingeri Bukayo Sakaning Angliya terma jamoasiga borishdan bosh tortmaganini isbotlashga harakat qildi.

O‘tgan xalqaro tanaffusda jarohatlari tufayli Angliya terma jamoasiga kela olmagan ko‘plab futbolchilar singari Saka ham kutilmaganda sog‘ayib, shanba kuni o‘z klubining asosiy tarkibiga qaytdi.

Aynan Saka o‘z goli bilan "Nottingem Forest"ni 3:0 hisobida mag‘lub etishga asos soldi, ammo Arteta Bukayo haqiqatan ham jarohat olganini ta’kidlaydi.

"Xo‘sh, hammasi juda oddiy, biz MRT rasmini yuborishimiz mumkin. "Arsenal"ning tibbiyot xodimlari bilan Angliya terma jamoasi o‘rtasida juda aniq aloqa kanali bor edi.

U hech qanday nojo‘ya ish qilmagan, unga jarohatni davolash uchun vaqt kerak edi. U faqat bitta mashg‘ulot o‘tkazdi," - dedi Arteta.