«Арсенал» раҳбарияти жамоани кучайтириш устида ишламоқда. «Transfer News Live» нашрининг «Fichajes» нашрига таяниб хабар беришича, Лондон клуби келаси ёзда «Милан»дан ярим ҳимоячи Тейани Рейндерсга катта таклиф билан чиқиши мумкин.
2024/2025 йилги мавсумда Рейндерс «Милан» сафида 15 та расмий ўйин ўтказди. Уларда ярим ҳимоячи тўртта гол урди ва учта голли узатмани амалга оширди. «Transfermarkt» портали мутахассислари 26 ёшли нидерландиялик футболчини 30 миллион еврога баҳоламоқда.
«Арсенал» айни дамда Англия чемпионати турнир жадвалида тўртинчи ўринни эгаллаб турибди.
