Машҳур мураббий Дэвид Мойес яна «Эвертон»га бош мураббийлик қилиши мумкин. Шотландиялик мутахассиснинг «Гудисон Парк»га қайтиши клуб америкалик инвесторлар томонидан сотиб олинганидан кейин содир бўлиши мумкин. Бу ҳақда «The Sun» нашри хабар бермоқда.
Дэвид Мойес 2002-2013 йилларда «Эвертон»ни бошқарган. Шундан сўнг шотландиялик мутахассис «Манчестер Юнайтед»га кўчиб ўтди ва у ерда муваффақиятга эриша олмади. 61 ёшли Мойес ҳозирда бирорта клубни бошқармаяпти. Ўтган мавсум охирида мутахассис «Вест Хэм»ни тарк этганди.
Айни пайтда «Эвертон» Англия Премьер-лигаси турнир жадвалида атиги 15-ўринни эгаллаб турибди.
