«Манчестер Сити» қийин кунларни бошдан кечирмоқда. Шанба куни Хосеп Гвардиоланинг жамоаси ўз уйида «Тоттенхэм»га 0:4 ҳисобида имкониятни бой берди. «Шаҳарликлар» учун бу мағлубият барча мусобақаларда кетма-кет бешинчиси бўлди.

Қишки трансфер ойнасида «Манчестер Сити» таркибни кучайтиришни режалаштирмоқда. «Transfer News Live»нинг «TEAMTalk»га таяниб хабар беришича, сўнгги йиллардаги Англия чемпионлари январь ойида «Кристал Пэлас» ярим ҳимоячиси Адам Уортонга таклиф билан чиқишади.

Нуфузли «Transfermarkt» портали мутахассислари 20 ёшли Уортонни 30 миллион еврога баҳоламоқда. Ярим ҳимоячи февраль ойидан бери «Блэкберн»дан трансфердан сўнг «Кристал Пэлас»да ўйнамоқда.