Бугун пойтахтимиздаги гимнастика спорт турларига ихтисослаштирилган “Универсал” спорт мажмуасида “Гимнастика барча учун” шиори остида ўтказилган гимнастрада спорт тури бўйича нуфузли спорт байрами – Ўзбекистон Республикаси Президенти кубоги мусобақасининг Республика финал босқичи якунига етди.

Республикамизнинг барча ҳудудларидан ташриф буюрган 33 та жамоа, 600 нафарга яқин хотин-қизлар истирокидаги мусобақаларда 14 та номинация бўйича ғолиб ва совриндорлар Спорт вазирлиги, Оила ва хотин-қизлар қўмитаси, Ўзбекистон гимнастика федерацияси масъуллари томонидан муносиб тақдирланди.

Энг қувонарлиси, 45 ёшдан катта аёллар ўртасида ўтказилган мусобақаларда ўзларининг чиқишлари билан муносиб иштирок этган Тошкент вилояти, Бекобод тумани “Бувижонлар” жамоаси Президент кубогини қўлга киритди.