Bugun poytaxtimizdagi gimnastika sport turlariga ixtisoslashtirilgan “Universal” sport majmuasida “Gimnastika barcha uchun” shiori ostida o‘tkazilgan gimnastrada sport turi bo‘yicha nufuzli sport bayrami – O‘zbekiston Respublikasi Prezidenti kubogi musobaqasining Respublika final bosqichi yakuniga yetdi.
Respublikamizning barcha hududlaridan tashrif buyurgan 33 ta jamoa, 600 nafarga yaqin xotin-qizlar istirokidagi musobaqalarda 14 ta nominasiya bo‘yicha g‘olib va sovrindorlar Sport vazirligi, Oila va xotin-qizlar qo‘mitasi, O‘zbekiston gimnastika federasiyasi mas’ullari tomonidan munosib taqdirlandi.
Eng quvonarlisi, 45 yoshdan katta ayollar o‘rtasida o‘tkazilgan musobaqalarda o‘zlarining chiqishlari bilan munosib ishtirok etgan Toshkent viloyati, Bekobod tumani “Buvijonlar” jamoasi Prezident kubogini qo‘lga kiritdi.
