Суперлигада 25-тур якунланди. «Сурхон» жамоаси бу тур сафарда «Металлург»га қарши баҳс олиб борди ва 0:1 ҳисобида имкониятни бой берди. Беллашувдан сўнг жамоа бош мураббийи Февзи Давлетов матбуот анжуманида иштирок этди.

— Бугунги баҳс оғир бўлиши ҳақида йигитларни огоҳлантирган эдик. Уларни тайёрлаган эдик, аммо бизни эшитишмаган кўринади. Биз иккинчи бўлимда ҳам баҳсни бошқардик, аммо гол киритишни уддалай олмадик.

— 35-дақиқада Аслибек Жумаевнинг алмаштирилиши сабаби нима?

— Кичик жароҳат билан ўйинга чиққан эди. У рақиб билан тўқнашув жараёнида жароҳатини жиддийлаштириб олди. Қўшимчасига, сариқ карточка ҳам олди. Бу мажбурий ўзгариш бўлди.

— «Металлург» учун бу ҳаёт-мамот учрашувимиди?

— Албатта, биз ғалаба қозонсак, бошқа жамоаларнинг ўйинига боғлиқ ҳолатда кўтарилишимиз мумкин эди. Улар эса, жон сақлаб қолиш учун охирги жангларидан бирини ўтказди. Албатта, бу омил майдонда сезилди.

— Мавсум бошида қўйилган режа қай даражада бажарилди?

— Ўйлашимча, стабил ўтказишни уддаладик. Ўтган мавсумда жадвлани 6-ўрин билан якунлаган эдик. Ҳозирча, 7-ўринмиз. Ҳа, мавсум давомида бир нечта омадсиз ўйинларимиз бўлди, бироқ бу бизнинг хатомиз. Биз улардан хулоса чиқарган холда, келаси мавсум уларни бартараф этиш учун ишлаймиз.