Руд ван Нистелрой "Гамбург"ни бошқариши мумкин.
Иккинчи Бундеслига клуби ўзининг собиқ ҳужумчисини Штеффен Баумгарт ишдан бўшатилгандан сўнг бош мураббий лавозимига тайинлашни кўриб чиқмоқда, деб хабар берди Флориан Плеттенберг.
Нидерландияликнинг тайинланиши Баумгарт келишидан олдин кўриб чиқилган эди.
Эрик Тен Хаг ишдан бўшатилгандан сўнг Ван Нистелрой "Манчестер Юнайтед" бош мураббийи вазифасини бажарган. У клубни ноябрда тарк этди. Унинг қўл остида манкунианликлар 4 та ўйин ўтказиб, 3 та ғалаба қозонган ва бир марта дуранг ўйнаган.
"Гамбург" 13 та ўйинда 20 очко тўплаган ҳолда иккинчи Бундеслигада 8-ўринда бормоқда.
Ван Нистелрой 2010 йилдан 2011 йилгача Германия клубида ўйнаган.
