"Атлетико Мадрид" бош мураббийи Диего Симеоне "матрасчилар" бошидаги 700-учрашувидан сўнг испан клубига миннатдорчилик билдирди ва ўз лавозимида қолишни режалаштираётганини ҳам айтди.
"Атлетико"га 700 та ўйин учун миннатдорчилик билдираман. Кўп йиллар олдин айтганимдек, бу клубнинг келажаги бор. Шундай экан... Келинг, биргаликда кўпроқ ютуқларга эришайлик! Ҳар доим раҳмат!
Одамлар доим мендан қолишимни сўрашади. Ҳа, мен қоламан. Ва нега қолишимни биласизми? Чунки бу клубнинг келажаги бор, келажаги эса барчамиздир", - дея Симеоне сўзларини келтиради Marca.
54 ёшли Симеоне Ла Лига тарихида жамоа бошқарувида 700 та расмий ўйин ўтказган биринчи мураббийга айланди. Симеоне "Атлетико" бош мураббийи сифатида 700 та ўйинда 413 марта ғалаба қозонган, 156 марта дуранг ўйнаган ва 131 марта мағлубиятга учраган.
