"Atletiko Madrid" bosh murabbiyi Diyego Simeone "matraschilar" boshidagi 700-uchrashuvidan so‘ng ispan klubiga minnatdorchilik bildirdi va o‘z lavozimida qolishni rejalashtirayotganini ham aytdi.
"Atletiko"ga 700 ta o‘yin uchun minnatdorchilik bildiraman. Ko‘p yillar oldin aytganimdek, bu klubning kelajagi bor. Shunday ekan... Keling, birgalikda ko‘proq yutuqlarga erishaylik! Har doim rahmat!
Odamlar doim mendan qolishimni so‘rashadi. Ha, men qolaman. Va nega qolishimni bilasizmi? Chunki bu klubning kelajagi bor, kelajagi esa barchamizdir", - deya Simeone so‘zlarini keltiradi Marca.
54 yoshli Simeone La Liga tarixida jamoa boshqaruvida 700 ta rasmiy o‘yin o‘tkazgan birinchi murabbiyga aylandi. Simeone "Atletiko" bosh murabbiyi sifatida 700 ta o‘yinda 413 marta g‘alaba qozongan, 156 marta durang o‘ynagan va 131 marta mag‘lubiyatga uchragan.
