“Олмалиқ” ва “Гулистон” жамоалари ўртасидаги Ўзбекистон кубоги баҳсидан кейинги матбуот анжуманида иштирок этган Бахтиёр Ашурматов сирдарёлик мухлисларни табриклади.

Бахтиёр Ашурматов:
“Авваламбор, кейинги босқичга чиққанимиз билан барча сирдарёлик мухлисларни табриклайман. Сир эмаски, “Олмалиқ” мамлакатимизнинг ўйин услубига эга клубларидан бири саналади. Шуни инобатга олиб, Ўзбекистон Кубогининг жавоб учрашувига жиддий тайёргарлик кўрдик. Ёдингизда бўлса, дастлабки учрашувда ғалаба қозонгандик. Бугунги баҳсда эса ўша қўлга киритилган муваффақият тасодиф эмаслигини амалда исботлашимиз лозим эди. Учрашув олдидан йигитларга натижа муҳимлигини, кейинги босқичга чиқишимиз лозимлигини айтиб ўтгандим. Кўриб турганингиздек, шогирдларим ўз олдиларига қўйилган вазифани уддалашди. Агарда жамоамиз аъзолари яратилган хавфли вазиятларни голга айлантиришганида, якуний ҳисоб умуман бошқача кўриниш акс этарди?!”