Душанба оқшомида "Ан-Наср" Чемпионлар лигаси доирасида "Ал Гарафа"га қарши ўйинда ғалаба қозонди. Саудияликлар қатарликларни 3:1 ҳисобида мағлуб этишди.
Учрашувнинг асосий қаҳрамони дубл қайд этган юлдуз ҳужумчи Криштиану Роналду бўлди. Ўйиндан сўнг 39 ёшли Роналду ижтимоий тармоқларда хабар қолдирди.
"Бу оқшом катта ғалаба!" - деб ёзган Роналду.
Аввал хабар берганимиздек, Криштиану Роналдунинг фаолиятидаги голлари сони 913 тага етди. Португалиялик футболчи мунтазам равишда гол урмоқда ва агар у худди шу йўналишда давом этса, 1000та голга эришиш имкони бор.
