"Манчестер Сити" ярим ҳимоячиси Кевин Де Брюйне вингер Савионинг ўйини ҳақида ўз фикрлари билан ўртоқлашди.
Бразилиялик футболчи "Сити" сафига июль ойида "Труа"дан кўчиб ўтганди. 20 ёшли футболчи Пеп Гвардиола жамоасида 16 та ўйинда 5 та голли узатмани амалга оширган, бироқ ҳалигача гол ура олмади.
"Савио жуда яхши бошлади. Кўриниб турибдики, биринчи голни узоқ вақт ура олмасанг, баъзан қийинлашади ва у, эҳтимол, бу борада бироз хавотир олади.
Афтидан, ҳозир у бунга осонроқ қараяпти. У яхши иш қилди, бу айниқса жамоанинг ҳозирги ҳолатида қийин. Менимча, у нимадандир ташвишланмаса ҳам бўлади. У яхши бошлади, биз уни қўллаб-қувватлашга ва биринчи гол уришига ёрдам беришга ҳаракат қиламиз. Шундан сўнг у яна кўп марта гол уришини кўрамиз," - деди бельгиялик футболчи TNT Sports билан суҳбатда.
