«Реал Мадрид» бош мураббийи Карло Анчелотти «Ливерпуль»га қарши ўйин олдидан бир қатор ўзгаришларни режалаштирган.

Чоршанба куни «Энфилд»да бўлиб ўтадиган Чемпионлар Лигаси ўйини олдидан «Лос-Бланкос» Винисиус Жуниорни йўқотди - бразилиялик жароҳат олди ва ўйин учун таркибга киритилмади. «Relevo» хабарига кўра, Анчелотти 4-4-2 схемасига қайтиши мумкин, Килиан Мбаппе ва Браим Диаз ҳужум жуфтлиги сифатида ҳаракат қилади. Арда Гюлер учун ҳам бошланғич таркибдан жой бўлади.

Қайд этилишича, Винисиус жароҳат олдидан ҳам мадридликлар бош мураббийи «Леганес» билан олдинги учрашувдагидек Мбаппени чап қанотга яқинроқ жойлаштиришни режалаштирган.