«Пари Сен-Жермен» бош мураббийи Луис Энрике «Бавария»дан Йозуа Киммихнинг эҳтимолий шартнома имзолаши ҳақидаги маълумотларга изоҳ бермади.

Сешанба куни парижликлар Чемпионлар лигаси доирасида Мюнхенда немис гранди билан ўйнайди. Учрашув Тошкент вақти билан 01:00 да бошланади.

Ўйин арафасида журналистлар испаниялик мураббийга «Бавария» билан шартномаси мавсум охирида тугайдиган ярим ҳимоячи Киммихга қизиқиши ҳақида савол беришди:

«Мен бизнинг жамоамизда ўйнамайдиган футболчиларни муҳокама қилмайман,» деди Энрике.

Миш-мишларга кўра, 29 ёшли Германия терма жамоаси сардорига Мадриднинг «Реал», «Барселона» ва Англия Премьер-лигасининг топ клублари ҳам даъвогарлик қилмоқда.