«Манчестер Юнайтед» Хвича Кварацхелияни сотиб олишга жиддий киришмоқда.

Англия клуби Рубен Аморим қўл остида 3-4-3 схемасида ўйнай оладиган вингер сотиб олмоқчи, деб ёзади «Sportmediaset».

Таъкидланишича, манкунианликлар грузиялик футболчига мавсумига 8 миллион евро маош билан 5 йиллик шартнома таклиф қилишга тайёр. Осонлик билан эришиладиган бонуслар ҳисобига бу миқдор 9 миллионгача ошиши мумкин.

Неаполликлар футболчини ўзида сақлаб қолмоқчи ва унга йилига 6 миллион евролик янги шартнома таклиф қилмоқчи. Клуб таклифни ошириш ниятида эмас. Томонлар ҳозирча келишувга эришмаган.

Мавсум охиригача вазият ҳал этилмаса, «Наполи» Кварацхелияни 100 миллион евро атрофида сотишни кўриб чиқиши мумкин.

А Сериянинг жорий мавсумида Хвича 13 ўйин ўтказиб, 5 гол ва 2 голга ассистентлик қилган.