"Манчестер Сити" "Фейеноорд" билан ўйинда 3:0 ҳисобидаги ғалабани ушлаб қола олмади.
Нидерландия клуби Чемпионлар лигаси ўйинида 75-, 82- ва 89-дақиқаларда "шаҳарликлар" дарвозасига гол уриб, мағлубиятдан мўъжизавий тарзда чиқиб кетди. Squawka маълумотларига кўра, бунақаси Хосеп Гвардиоланинг мураббийлик фаолиятидаги барча 942 ўйинда биринчи марта содир бўлди. Илгари машҳур испанияликнинг жамоалари ҳеч қачон уч тўп фарқи билан ғалабани қўлдан чиқармаганди.
"Манчестер Сити" барча турнирларда кетма-кет олтита ўйинда ғалаба қозона олмаяпти. Олдинги бешта учрашувда мағлубиятлар бўлган.
