«Манчестер Юнайтед» ҳужумчиси Жошуа Зиркзее «Ювентус»га ўтиши мумкин.
Турин клуби вакиллари аллақачон нидерландияликнинг атрофидагилар билан музокараларга киришган, деб хабар бермоқда «Corriere Dello Sport». Айни дамда Англияда яхши дебют мавсумини ўтказмаётган 23 ёшли «қизил иблислар» футболчиси учун курашни айнан «кекса сеньора» бошқармоқда.
Жошуа Зиркзее шу йилнинг июль ойида «Болонья»дан 42,5 миллион евро эвазига «Манчестер Юнайтед»га ўтган эди. Форвард манкунианликлар сафида барча мусобақаларда 18 та ўйин ўтказиб, битта гол ва иккита голли узатмага муаллифлик қилган.
