"Аталанта" ҳужумчиси Матео Ретеги Англия Премьер-лигасига ўтиши мумкин.
Calciomercato хабарига кўра, италиялик футболчига "Арсенал" қизиқиш билдирмоқда. Лондон клуби скаутлари Чемпионлар лигаси доирасидаги "Янг Бойз"га (6:1) қарши "Аталанта"нинг ўйинини кузатишган ва унда Ретеги дубль қайд этган. "Аталанта" ўз форварди билан 45 миллион евро эвазига хайрлашишга тайёр.
Қайд этилишича, Матео учун курашга "Наполи" ва "Ювентус" ҳам қўшилган. 25 ёшли Ретеги жорий мавсумда "Аталанта" сафида 19 та ўйинда майдонга тушиб, 14 та гол урди ва 3 та голга ассистентлик қилди. Унинг Италия клуби билан шартномаси 2028 йилнинг 30 июнига қадар мўлжалланган.
