"Atalanta" hujumchisi Mateo Retegi Angliya Premyer-ligasiga o‘tishi mumkin.

Calciomercato xabariga ko‘ra, italiyalik futbolchiga "Arsenal" qiziqish bildirmoqda. London klubi skautlari Chempionlar ligasi doirasidagi "Yang Boyz"ga (6:1) qarshi "Atalanta"ning o‘yinini kuzatishgan va unda Retegi dubl qayd etgan. "Atalanta" o‘z forvardi bilan 45 million yevro evaziga xayrlashishga tayyor.

Qayd etilishicha, Mateo uchun kurashga "Napoli" va "Yuventus" ham qo‘shilgan. 25 yoshli Retegi joriy mavsumda "Atalanta" safida 19 ta o‘yinda maydonga tushib, 14 ta gol urdi va 3 ta golga assistentlik qildi. Uning Italiya klubi bilan shartnomasi 2028 yilning 30 iyuniga qadar mo‘ljallangan.