"Болонья" мухлислар армияси Чемпионлар лигаси ўйини арафасида "Лилль" мухлисларига ҳужум қилди.

Бугун "Болонья" Чемпионлар лигасининг 5-тури доирасида Франция клубини қабул қилди ва имкониятни бой берди (1:2).

Republicca хабарига кўра, кеча тунда "Болонья"даги Ирландия қовоқхонасида мухлислар ўртасида катта муштлашув келиб чиққан.

Унда 30 га яқин "Лилль" мухлислари ва уларга ҳужум қилган 80 га яқин италиялик ультрас иштирок этди.

Тўқнашув бир неча дақиқа давом этди ва полиция етиб келгач, “Болонья” мухлислари юзларини яшириб, бинони тарк этишди ва тарқалишди.

Ҳужумчилар арматура билан қуролланган эди, бунинг натижасида учта француз ультраси енгил жароҳат олди. Улардан икки нафари касалхонага ётқизилган, кейин эса ўша кечаси чиқарилган.

Ҳозирда полиция ҳужумчиларнинг шахсини аниқлаш учун тергов олиб бормоқда.