"Галатасарой" "Интер" ва Австрия терма жамоаси ҳужумчиси Марко Арнаутовичга қизиқиш билдирмоқда.
Турк клубининг ҳужумчиси Мауро Икарди тиззасидаги жароҳати сабабли мавсум охиригача майдонга туша олмайди ва "Галатасарой" январь ойидаги трансфер ойнасида аргентиналик футболчига ўринбосар топишга умид қилади.
Арнаутовичнинг "Интер" билан шартномаси жорий мавсум охиригача амал қилади, 35 ёшли австриялик ҳужумчи Милан клубида етарлича ўйин тажрибасига эга эмас, шунинг учун у "Галатасарой"га муносиб номзод саналади.
Жорий мавсумда Арнаутович “Интер”нинг барча мусобақаларда 8 та учрашувида қатнашиб, 1 та гол урди ва жами 205 дақиқа майдонда ўтказди. Ҳужумчининг трансфер қиймати 4 миллион еврога баҳоланмоқда.
