«Интер Майами» ҳужумчиси Лионель Месси футболчилик фаолиятини «Барселона» ёшлар академиясида қандай бошлаганини эслади.

Аргентиналик футболчи 2000 йилда каталонияликлар академиясига қўшилган. 2004 йилда у Каталония грандининг биринчи жамоасида дебют қилди ва у ерда барча мумкин бўлган чўққиларни забт этди.

«Ла Масия мен учун жуда кўп нарсани англатади. Мен 13 ёшимдан клубда яшадим, Аргентинага қараганда кўпроқ вақт ўтказдим. Мен «Барселона» академиясида ўзимга сингдирилган қадриятлар билан ўсганман. Бу тажриба мени футболчи ва шахс сифатида шакллантирди», - дея 37 ёшли форварднинг сўзларини келтиради «Managing Barca».