"Манчестер Юнайтед" ва Туриннинг "Ювентус" клубларидаги ўйинлари билан танилган франциялик ярим ҳимоячи Поль Погба Англия чемпионатига қайтиши мумкин.
Goal журналистлари хабарига кўра, Лондоннинг "Фулхэм" клуби футболчига даъвогарлик қилмоқда. Погба вакиллари футболчига фаолиятини Туманли Альбионда давом эттиришни маслаҳат беришмоқда.
Эслатиб ўтамиз, француз тақиқланган дори воситаларини истеъмол қилгани учун тўрт йилга дисквалификация қилинган эди. Муваффақиятли мурожаат туфайли унинг тақиқи 18 ойга қисқартирилди. Шу тариқа, Погба кейинги йилнинг март ойида майдонга қайтиши мумкин.
