"Анжи" клуби Россия чемпионати тугашига 1 тур қолганидан бронза медалларини қўлга киритди. Ўз майдонида "Локомотив"ни қабул қилган махачқалъаликлар иродали ғалабани қўлга киритишди.

Биринчи бўлимнинг 34-дақиқасида Александр Самедов олис масофадан кучли ва чиройли зарба билан ҳисобни очди. Орадан кўп ўтмасдан Ведран Чорлука бехосдан тўпни ўз дарвозасига киритиб қўйди ва ҳисоб тенглашди. Ўйиннинг 73-дақиқасида эса Самуэль Это'О бурчак тўпидан кейин жамоасини олдинга олиб чиқди.

Ўйинни асосий таркибда бошлаган Виталий Денисов жуда фаол тўп сурди. У ҳаттоки ўйинга қўшиб берилган компенсация вақтида ҳисобни тенглаштириши ҳам мумкин эди. Унинг жарима майдончаси ташқарисидан йўллаган зарбасини Габулов бир амаллаб қайтариб қолди, аммо қайтган тўпни Обинна аниқ дарвозага йўллай олмади.

Одил Аҳмедов эса иккинчи бўлим бошида Лассана Диарранинг ўрнига майдонга тушди.

Россия премьер-лигаси. 29-тур
Анжи – Локомотив 2:1 (1:1)
Голлар: 0:1 – 34 Самедов, 1:1 – 40, автогол Чорлука, 2:1 – 74 Это′О.
Анжи – Габулов, Гаджибеков, Ж.Карлос, Эвертон, Тагирбеков, Л. Диарра (Одил Аҳмедов, 46), Жусилей, Буссуфа, Виллиан (Шатов, 90), Жирков, Это′О.
Локомотив – Крешич, Янбаев, Чорлука, Дюрица, Виталий Денисов, Тигорев, Тарасов (Григорьев, 87), Самедов (Обинна, 69), Миранчук, Торбинский, Н’Дойе (Павлюченко, 69).
Огоҳлантиришлар: Торбинский (18), Виталий Денисов (29), Тарасов (53), Чорлука (53).