Кеча, 28 ноябрь куни Европа лигасининг 5-туридан ўрин олган “Реал Сосьедад” – “Аякс” (2:0) учрашувида Англиянинг бир қанча етакчи клубларининг скаутлик бўлими вакиллари иштирок этишди, унда Такефуса Кубо гол ва голли узатмани амалга оширди.
TBR Football хабарига кўра, бир нечта клублар Такефуса Кубони фаол кузатиб боришмоқда. Футболчига асосий давогарлардан “Арсенал” ва “Ливерпуль”. Шунингдек, 23 ёшли иқтидорли вингерни “Астон Вилла” ва “Нюкасл” клублари ҳам кузатиб бораётгани айтилган.
Такефуса Кубо жорий мавсумда “Реал Сосьедад” сафида барча турнирлар доирасида 18 та ўйинда майдонга тушиб, 4 та гол урди ва 1 та голли узатмани амалга оширди.
