Саудия клублари "Ливерпуль" суперюлдузи Муҳаммад Салоҳни қўлга киритиш учун яхши имкониятга эга деб ҳисобламоқда ва шунингдек, Премьер-лиганинг энг яхши плеймейкерларидан бири, "Манчестер Сити" футболчиси Кевин Де Брюйне билан музокаралар ўтказишга ҳозирлик кўрмоқда.
TEAMtalk хабарига кўра, Саудия Арабистони Профессионал лигаси Давлат инвестиция жамғармаси билан биргаликда ўз лигасининг юзига айланиш учун юлдуз футболчиларни қидиришда давом этмоқда.
"Ал-Иттиҳод" ва "Ан-Наср" 33 ёшли Кевин Де Брюйне билан шартнома имзолаш учун курашишга тайёр, "Ал-Ҳилол" эса Муҳаммад Салоҳни эркин агент сифатида олмоқчи. 32 ёшли мисрлик бу ғояга тўлиқ очиқ экани тушунилади, у аввалроқ "Ал-Иттиҳод" билан дастлабки музокаралар чоғида ўз розилигини берган, бироқ "Ливерпуль" уларнинг 150 миллион фунтлик таклифини рад этган.
Муҳаммад Салоҳнинг "Ливерпуль" билан ва Кевин де Брюйненинг "Манчестер Сити" билан шартномалари жорий мавсум охирида тугайди.
