Кузнинг сўнгги ҳафтаси Криштиану Роналду учун муваффақиятли бўлди. Юлдуз ҳужумчи “Ан-Наср”нинг “Ал-Гарафа” (ОФК Чемпионлар лигасида 3:1 ғалабаси) ва “Дамак” (Саудия Лигасидаги 2:0 ғалабаси) клубларига қарши ўйинларда дубл қайд этди.

Роналду муваффақиятли ўйин ўтказганида, у финал ҳуштаги чалинганидан сўнг ижтимоий тармоқларда постлар қўяди. Бу сафар ҳам шундай бўлди.

"3 очко, 2 гол ва биз йўлда давом этамиз!" - деб ёзган Роналду ўз постида.

39 ёшли Криштиану Роналду эндиликда фаолиятидаги 915 та голга эга. Аввалроқ португалиялик футболчи 1000 та голга эришиш истаги ҳақида бир неча бор гапирган.