"Лестер Сити" бош мураббий Руд ван Нистелрой билан шартнома имзолаганини эълон қилди. Шартнома 2027 йилнинг ёзига қадар амал қилади.
Мутахассис 30 ноябрь куни АПЛ доирасидаги "Брентфорд"га қарши ўйин олдидан жамоа сафига келиб қўшилади.
48 ёшли нидерландиялик мутахассис 2024 йилнинг ёзидан буён "Манчестер Юнайтед" мураббийлар штабида ишлаб келмоқда. Жамоа бош мураббийи Эрик тен Хаг истеъфога чиқарилгач, ван Нистелрой "Манчестер Юнайтед"да 4 та ўйинда вақтинчалик бош мураббий вазифасини бажарувчи сифатида ишлади.
24 ноябрь куни "Лестер" Стив Куперни истеъфога чиқарганини эълон қилди. "Лестер" 10 очко билан АПЛ турнир жадвалида 16-ўринда бормоқда.
