"Реал" бош мураббийи Жозе Моуриньо мавсум якунланганидан сўнг Мадридни тарк этади. Бу ҳақида "Қироллик клуби" президенти Флорентино Перес махсус ташкил этилган матбуот анжуманида расман маълум қилди.
Шундай қилиб, "Special One"нинг Испаниядаги 3 йиллик саргузаштлари шу ёзда ниҳоясига етади. Эслатиб ўтамиз, португалиялик мутахассис Мадриддаги фаолияти давомида Испания кубоги (2010/2011), Испания чемпионати (2011/12) ҳамда Испания Суперкубоги (2012)да ғолиб чиқди. Аммо клуб президентининг бош мақсади - ЧЛ кубоги қўлга киритилгани йўқ.
Кўплаб манбаъларда Моуриньо ўрнига ПСЖ бош мураббийи Карло Анчелоттининг келиши анча эҳтимолга яқин эканлиги айтилмоқда.
