Жозе Моуриньонинг мавсум якунлангач Мадридни тарк этишини эълон қилганидан сўнг, "Реал" президенти Флорентино Перес ушбу қарорини изоҳлаб ўтди: "Моуриньонинг "Қироллик клуби" бошқарувидаги фаолияти учун миннатдорман. Аммо жорий мавсум якунлари, яъни фақатгина Испания Суперкубоги қўлга киритилгани нафақат Испания грандини, балки "Порту", "Челси" ва "Интер"нинг собиқ мураббийини ҳам асло қониқтирмайди. Шу боис, клуб ва мураббий ўзаро ҳамкорликни якунлашга қарор қилди. Мен яна бир бор Жозе Моуриньони ўтган уч йил давомида чин юракдан қилган меҳнати учун ташаккур айтмоқчиман. Жамоа шу вақт ичида сезиларли даражада ўсишга эришди."

Мураббийга барча илиқ тилакларни тилашини билдирган Перес нутқида давом этди: "Биз бу қарор ҳақида жуда чуқур ва жуда узоқ вақт ўйладик ва шу вариантда тўхталдик. Айни пайтда бошқа ҳеч қайси мураббий билан келишувимиз мавжуд эмас. Биз бу масалада яна бир неча кун бош қотиришимизга тўғри келади.