Франция терма жамоаси, шунингдек, "Милан" ва "Барселона" каби клубларнинг собиқ футболчиси, 1998 йилги жаҳон чемпиони Кристоф Дюгарри яна Луис Энрикени танқид қилди.
Унинг фикрича, "Барселона"даги собиқ жамоадоши "ПСЖ"да ҳаммасини йўлга қўя олмаяпти. "ПСЖ" Чемпионлар лигасида "Бавария"га ютқазганидан кейин у танқидларнинг яна бир қисмини айтди.
"Мураббий жамоа учун масъул, ўйинчиларни танлайди, мотивация қилади. Ҳеч қачон "ПСЖ" мураббийи Луис Энрикедек эркинликка эга бўлмаган. У ҳам ўз давридаги ван Гал каби ўзини даҳо деб билади, аммо бу умуман тўғри эмас. Месси ва Неймар каби ўйинчиларсиз улар шунчаки қобилиятсиз", - дея Дюгаррининг сўзларини келтиради derbyderbyderby.it.
