Fransiya terma jamoasi, shuningdek, "Milan" va "Barselona" kabi klublarning sobiq futbolchisi, 1998 yilgi jahon chempioni Kristof Dyugarri yana Luis Enrikeni tanqid qildi.
Uning fikricha, "Barselona"dagi sobiq jamoadoshi "PSJ"da hammasini yo‘lga qo‘ya olmayapti. "PSJ" Chempionlar ligasida "Bavariya"ga yutqazganidan keyin u tanqidlarning yana bir qismini aytdi.
"Murabbiy jamoa uchun mas’ul, o‘yinchilarni tanlaydi, motivasiya qiladi. Hech qachon "PSJ" murabbiyi Luis Enrikedek erkinlikka ega bo‘lmagan. U ham o‘z davridagi van Gal kabi o‘zini daho deb biladi, ammo bu umuman to‘g‘ri emas. Messi va Neymar kabi o‘yinchilarsiz ular shunchaki qobiliyatsiz", - deya Dyugarrining so‘zlarini keltiradi derbyderbyderby.it.
