"Ливерпул"нинг 33 ёшли марказий ҳимоячиси Виржил ван Дейк келаси ёзда шартномаси тугайдиган "мерсисайдликлар" сафидаги келажаги ҳақидаги саволга жавоб берди.
"Янгилик йўқ. Сиз билан баҳам кўрадиган ҳеч нарсам йўқ. Агар эришилган келишувлар ёки уларнинг йўқлиги ҳақидаги янгиликларни ўқисангиз, буларнинг ҳеч бири ҳақиқат эмас. Албатта, музокаралар олиб борилмоқда, аммо ҳозир менда баҳам кўрадиган ҳеч нарсам йўқ", - деди нидерландиялик футболчи.
Жорий мавсумда ван Дейк барча мусобақаларда 17 та ўйинда иштирок этиб, иккита гол ва битта голли узатмани амалга оширди. Transfermarkt порталида берилган маълумотларга кўра, футболчининг бозор қиймати 30 миллион еврони ташкил қилади.
