Жозе Моуриньонинг "Реал" бош мураббийлигидан озод этилиши эълон қилинганидан бир неча соат ўтиб, "Барселона" вице-президенти Карлес Вилларуби бу ҳақидаги ўзига хос фикрини оммага эълон қилишни кечиктириб ўтирмади.
"Энди мен бемалол айтишим мумкинки, Моуриньо испан футболига келган офат эди. Унинг истеъфосини мен хурсандчилик билан кутиб олдим. Сабаби у ўз атрофида носоғлом муҳитни яратиб олганди", дея амалдорнинг сўзларидан иқтибос келтирмоқда Marca.
Эслатиб ўтамиз, кеча кечқурун махсус ташкил этилган матбуот анжуманида "Реал" президенти Флорентино Перес мавсум якунлангач жамоанинг португалиялик бош мураббийи ўз постини тарк этишини эълон қилганди.













