"Ливерпуль" чемпионлик сари яна бир қадам ташлаб, "Манчестер Сити"ни ўз майдонида мағлуб этди (2:0).

Коди Гакпо ва Муҳаммад Салоҳнинг голлари эвазига "қизиллар" ғалаба қозонди. Арне Слот жамоаси турнир жадвалидаги пешқадамлигини мустаҳкамлади: "Манчестер Сити"дан очколар фарқи 11 тага, "Арсенал" ва "Челси"дан 9 очко. Олдинда ҳали 25 тур бор.

Opta суперкомпьютерининг ҳисоб-китобларига кўра, ҳозирги вазиятда "Ливерпуль"нинг чемпионликни қўлга киритиш эҳтимоли ажойиб 85,1% ни ташкил қилади. "Манчестер Сити"нинг ғалаба қозониш имконияти бор-йўғи 4,4 фоизга баҳоланмоқда - Пеп Гвардиола жамоасига кетма-кет бешинчи бор АПЛда ғалаба қозониш учун ҳақиқий мўжиза керак бўлади. Пешқадамнинг асосий рақобатчиси ҳозирда "Арсенал" ҳисобланади - 9,8%.