"Реал" якшанба куни Ла Лига доирасида "Хетафе"ни мағлуб этди (2:0).
30-дақиқада Жуд Беллингем пенальтини аниқ амалга ошириб, ҳисобни очди. Дастлаб, жамоанинг асосий пенальти тепувчиси ҳисобланган Килиан Мбаппе нуқтага яқинлашиши режалаштирилган эди, аммо журналист Серхио Кирантенинг хабар беришича, франциялик футболчининг ўзи зарбани амалга оширишдан бош тортган ва бу ҳуқуқни инглизга ишониб топширган. Орадан 8 дақиқа ўтиб Мбаппе ўйиндан гол уриб, якуний натижани таблога ёздириб қўйди.
Килиан Мбаппе "Реал" сафида барча мусобақаларда 19 та ўйинда 10 та гол урган.
