"Манчестер Юнайтед" бош мураббийи Рубен Аморим "Эвертон"га (4:0) қарши ўйинда иккита голли узатмани амалга оширган вингер Амад Диаллони мақтади
“У ақл бовар қилмайдиган истеъдод, лекин у ривожланишда давом этиши керак, гарчи Амад ҳозирда жуда яхши формада. Ўйлайманки, Руд ван Нистелрой бошчилигидаги учта ўйин унга катта ёрдам берди", - дея Аморимнинг сўзларини келтиради "Манчестер Юнайтед" матбуот хизмати.
22 ёшли Диалло жорий мавсумда “Манчестер Юнайтед” сафида 19 та ўйинда майдонга тушиб, 3 та гол урди ва 5 та голли узатмани амалга оширди.
