Андреас Кристенсенга «Ювентус» ва «Интер» қизиқиш билдирмоқда.
«Барселона» ҳимоячиси сўнгги тўрт ой давомида Ахиллес тендонидаги жароҳатдан тузалмоқда. Аввалроқ футболчининг оёғида жарроҳлик амалиёти ўтказилгани маълум бўлганди.
Хабар қилинишича, каталонияликлар данияликнинг амалдаги шартномасини 2026 йилгача узайтиргандан кўра, келаси ёзда сотишга ҳаракат қилади. Клуб ҳимоя чизиғида рақобат бўлиши учун янги марказий ҳимоячи билан шартнома имзоламоқчи.
Италиялик журналист Жанлука Ди Марционинг ёзишича, Кристенсенга аллақачон «Ювентус» ва «Интер» клублари қизиқиш билдиришган.
Бироқ қайд этилишича, футболчининг ўзи «Барселона»ни тарк этишни режалаштирмаяпти.
