"Реал"нинг собиқ ҳужумчиси Хесе Родригес франциялик ҳужумчи Килиан Мбаппе Мадрид клубига ўтишдан олдин у билан маслаҳатлашганини айтди. Футболчилар аввал "ПСЖ"да бирга ўйнашган.
"Мбаппе катта юлдузга айланиши аниқ эди. Кўчиб ўтишдан олдин у мен билан "Реал Мадрид" ҳақида гаплашди ва мен унга бу дунёнинг энг яхши клуби эканлигини ва агар у "Олтин тўп"ни қўлга киритишни истаса, у ерга бориши кераклигини айтдим. Келинг, ким ғалаба қозонишини кўрамиз у ёки Винисиус", - деди Хесе.
Килиан Мбаппе ўтган ёзда "Реал"га эркин агент сифатида ўтган эди. Мбаппе жорий мавсумда 19 та ўйинда майдонга тушиб, 10 та гол ва 2 та голли узатмага муаллифлик қилган.
