"Ювентус"нинг техник директори Криштиану Жунтоли "Наполи"нинг ҳимоячи Данилога қизиқиши ҳақидаги саволга жавоб берди.

Бразилиялик футболчининг январь ойидаги трансфер ойнасида жамоани тарк этиши мумкинлиги ҳақидаги маълумотлар бир кун аввал пайдо бўлди. Бироқ Турин клуби бу маълумотни тасдиқламади.

"Биз Данило ёки "Наполи" билан ҳеч нарсани муҳокама қилмаганмиз. У бизнинг сардоримиз ва биз уни жамоамизда сақлаб қолишдан хурсандмиз. Биз январда марказий ҳимоячиларни сотишни режалаштирмаяпмиз - янгиси билан шартнома имзолашни режалаштирмоқдамиз", - дея Жунтоли сўзларини келтиради журналист Фабрицио Романо.

Данило жорий мавсумда "Ювентус"нинг асосий таркибидаги ўрнини йўқотди. 33 ёшли футболчининг шартномаси 2025 йилнинг ўрталарида якунига етади.