Каталониянинг "Барселона" клуби бош мураббийи Ханс-Дитер Флик "Мальорка"га қарши ўйин олдидан журналистлар саволларига жавоб берди.

"Бугунги кун учун энг яхши янгилик ноябрь ойининг охири. Сўнгги ўйинларда кўплаб вазиятлар яратмоқдамиз, аммо улардан фойдаланишдаги нўноқлик бизни тушкунликка солмоқда. Ҳа, биз Испаниянинг энг ёш жамоасимиз, кўп нарсаларни ўрганишда давом этишимиз ва ҳар бир учрашувда ғалаба учун курашишимиз керак. Ҳимояда ҳам, ҳужумда ҳам бир бўлим бўлишимиз керак", - дея Фликдан иқтибос келтиради клуб матбуот хизмати.

"Барселона" ҳамон турнир жадвалида биринчи ўринни сақлаб турибди.