"Ал-Аҳли" ҳужумчиси Айвен Тони Англия Премьер-лигасига қайтиши мумкин.

Шу йилнинг август ойи охирида инглиз футболчиси "Брентфорд"ни тарк этди ва Саудия Арабистони клуби билан фойдали шартнома имзолади. Transfer News Live нашрининг Fichajes нашрига таяниб хабар беришича, Лондоннинг "Челси" ва "Тоттенхэм" клублари 28 ёшли футболчини 2025 йилда сотиб олиш имкониятини кўриб чиқмоқда.

Айвен Тони "Ал Аҳли" сафида 15 та ўйинда 6 та гол урди ва 3 та голли узатмани амалга оширди. Форвард шартномаси 2028 йилнинг ёзига қадар амал қилади ва унинг қиймати, Transfermarkt портали маълумотларига кўра, 50 миллион еврони ташкил қилади.