Парижликлар бош мураббийи Луис Энрикенинг ишини ҳамма футболчилар ҳам ёқтирмайди.
Хабар берганимиздек, Усмон Дембеле испаниялик мураббийга қарши чиқди - у октябрь ойида Чемпионлар лигаси доирасидаги "Арсенал"га қарши ўйинда мураббийнинг уни таркибдан четлатганини ҳалигача кечирмади.
Журналист Лоик Тансининг ёзишича, ҳимоячи Преснел Кимпембе ва ҳужумчи Рандаль Коло-Муани ҳам мураббийни қўллаб-қувватламайди.
Учаласи ҳам Энрикенинг иш услубидан ҳафсаласи пир бўлган. Бироқ, турли миш-мишларга қарамай, мутахассис бошқа футболчиларнинг ишончидан баҳраманд бўлмоқда. Жамоанинг катта қисми мураббий билан яхши муносабатда.
